Image Alt

BÁC 2, BÁC 4

  /    /  BÁC 2, BÁC 4
Gaelscoil Eoin

Eolas do thuistí

Osclóidh An Foras Pátrúnachta Gaelscoil Eoin i Meán Fómhair 2021 agus í ag freastal ar cheantar Bhaile Átha Cliath 2, Baile Átha Cliath 4. Is cúis áthais dúinn rogha nua a thabhairt do thuismitheoirí i nGaelscoil a bheidh comhoideachasúil, ilchreidmheach agus ilteangach. Tá fáilte roimh chách agus tá chuile duine ar chomhchéim #gaelscoil4all! Cuirfimid scoth an oideachais ar fáil dár ndaltaí agus cuirfimid sonas ár ndaltaí sa chéad áit i gcónaí.

 

An Fhoireann

Tá ríméad orainn fáilte a chur roimh Phríomhoide Cristín inár scoilphobal. Cuirfidh a réimse leathan taithí agus paisean don oideachas go mór le saol na ndaltaí. Beimid ag súil lenár gcéad mhúinteoir ranga a earcú go luath. Bainfidh ár ndaltaí tairbhe as cóimheas Daltaí:múinteoir thar a bheith íseal.

Cláraigh do 2021

Tá clárúchán ar oscailt. Comhlánaigh an fhoirm agus seol chugainn í.
1. Tá an Fhoirm Chlárúcháin do 2021 ar fáil anseo
2. Tá an Polasaí Iontrála do 2021 ar fáil anseo
3. Tá an Fógra Iontrála do 2021 ar fáil anseo

Seol gach foirm chlárúcháin ar rphost go: gaelscoileoin@foras.ie

Foirm Léirithe Spéise do 2022, 2023, 2024, 2025

Cuirimid fáilte roimh léirithe spéise do Ghaelscoil Eoin. Má tá do pháiste ag tosú ar scoil in 2022 nó níos déanaí, tá fáilte romhat spéis a léiriú sa scoil ach an fhoirm a chomhlánú thíos. Rachaimid i dteagmháil le tuistí a chomhlánann an fhoirm nuair a osclóidh clárúchán an bhliain sula dtosóidh an páiste ar scoil.

Tá an Fhoirm Léirithe Spéise ar fáil anseo. Seol ar rphost go: gaelscoileoin@foras.ie

Suíomh na scoile

Tá deimhnithe ag An Roinn Oideachais agus Scileanna go mbeimid ag oscailt inár bhfoirgneamh buan ag Plás Haddington, Baile Átha Cliath 4. Tá ríméad orainn go bhfuil an oiread sin spáis againn chun fáis. Beidh obair athchóirithe curtha i gcrích le linn an tsamhraidh. Is spás slán atá ann agus is muidne amháin a bheidh ar an suíomh. Tá an príomhchlós chun tosaigh ar an bhfoirgneamh agus tá an t-ionad fágála/bailithe ar chúl an fhoirgnimh ag Plás Haddington.

Gliogáil ar an íomhá thíos chun í a dhéanamh níos mó.

Sonraí Teagmhála

Tar i dteagmháil linn ar rphost: gaelscoileoin@foras.ie / 085 1321203 nó cuir glaoch ar ár mBainisteoir Scoile, Cormac, ar : 01-2150191.

Ceisteanna Coitianta

Tá go leor eolais ar an leathanach seo.

Cruinniú Poiblí

Beidh ár gcruinnithe ar siúl ar líne.

Suíomh

Beidh an scoil lonnaithe ag Plás Haddington, Baile Átha Cliath 4.

Facebook

Lean ar Facebook muid! Gliogáil ar an lógó chun cuairt a thabhairt.

Gaelscoil nua i mBÁC 2, BÁC 4

Seinn an físeán chun léargas a fháil ar Ghaelscoil nua i mBaile Átha Cliath 2, Baile Átha Cliath 4.